Shillong, Risaw 29: Ka seng HITO jong ka Ri Bhoi District kala leit ban ai da ka jingthoh ha u District Health Medical Officer jong ka Ri Bhoi District ban kyntu ia u tei u ophisar hapoh ka District ban thungkam ia kiba la don ka jingnang jongstad lada ki don ki kam kiba lait.
Ha ka dorkhas ka seng kala kdew ba hapoh ka tnad ka koit ka khiah ha Ri Bhoi District ki don kiba bat arkam, kane ka jingbat arkam da u wei ubriew ka ktah ia ka iohkam ioh jam jong kiwei pat.
Katba ka sorkar kam pat lah ban thungkam ia ki briew kum ki nongtrei ba pura la ong ba kan bha lada thung kam noh shipor ruh ban ia ioh bylla lem, na ka liang jong u DMHO la kubor ba ka don ka jingshisha ia kaba hap ban pynbeit.
Ia ka dorkhas la leit ban ai da u working president ka seng u bah Abbor Nongrum bad u bah Elvis Kyrsian secretary ka seng HITO jong ka Ri Bhoi District kitei ki nongialam ka seng ki don ka jingkyrmen ba u DMHO un sa leh ia kaba don kam.
