Shillong, Nailar 12:Mynta ka sngi por nohphai sngi ki khynnah na ka shnong Ksehkohlong ha lynti ban leit sha Nongstoin kila lap lai synduk ki nar injek kiba la bret ha kner surok, ki khynnah kila pyntip ia kane ha ki ba la rangbah hapoh shnong.
Haba ia dei bad ka jingleit ban bret ia kine ki nar injek ha katei ka jaka kaba mar khap bad ka pung Pamphyrnai kaba happy hapoh ka shnong Ksehkohlong ym pat lah ban tip mano ba la leh ia kane kam la ka dei na ka tnad ka koit ka khiah ne na ki jaka ai dawai jong ki riew shimet ia kane ym don batip.
Kat kum ki lad khubor kiba la ioh da U SP News Agency la sngewthuh ba ia ka jinglap ia kine nar injek na katei ka jaka la pyntip sha u Deputy Commissioner jong ka West Khasi Hills District bad la sngewthuh ba la shai ka sngi ka ophis kan sa phah ia ki ophisar ban tohkit.
Kat kum ki jingtip bala ioh la sngewthuh ba kine ki nar injek kiba la bret haduh lai synduk kot ha ka juh ka jaka la ong ba kin dei kiba la dep ban pyndon kam.
