Shillong Naiwieng 22: Ki pulit jong ka jylla ha ka miet 21 tarik mynta u bnai ki la kem ia u president jong ka seng Hynniewtrep Achick National Movement (HANM) u Bah Lamphrang Kharbani na ka jaka sah jong u kaba don ha Upper Shillong Umlyngka. Ha kane ka jingkem ki la ioh na u kawei ka pisatol 7.65 bad hynriew tylli ki kuli.
Na ka liang jong u nongialam jong ka HANM ha ka jingthuh ka jong ki shi pulit la ong ba ia kane ka pistol la thied na u wei u briew ia u ba la tip kyrteng kum u bah Pynshai Rani ha ka dor 40000 tyngka. Ki pulit ki la ioh ia kane ka pistol ha dien ba ki la leit ban talasi ia ka iing jong u kaba dang shna ha Mawdiangdiang.
Na ka liang jong ki pulit mynta ki dang wad ia ka daw ba balei u tei u nongialam jong ka seng HANM u thied ia ki tiar siat kiba long beain.
Ha dien kane ka jingshah kem na ka liang jong u Bah Kharbani u la ud ba u don hapdeng ka jingshitom jong ka kpoh bad na ka liang jong ki pulit ki la phah sha hospital ban sumar.(SP News)
