Shillong, Nohprah 28:Ka thain Riwar mihngi kaba hap hapoh jong ka Pynursla ka la long shisha kathain ba la ai kyrpang da ka Mei maraing da ka jingbuh kyrpang jong ka ia ka jingitynnad ha ka jinglong bapher bapher. NaduhDawki, Mawlynnong, Shilliang Jashar haduh u Mawryngkhang ha Wahkhen ki long katto katne ki jaka kiba itynnad ha ka jinglong kyrpang jong ki na ka bynta ki nongjngoh kaipyrthei.
Ki don lai tylli ki jaka jngohkai pyrthei ha Phlangtyngor, Kawei na kiba kham phylla bad kham kyrpang tam ka long ka jinglap bad jingshem thymmai ia ka jingkieng jri balai kyrdan ha ka shnong Phlangtyngor, ka shnong kaba don sha rum Pynursla ha ka surok ban leit sha UmniuhTmar, Nongjri bad Nongshken.
Kane ka jingkieng jri ka don lai tylli ha u juh u dieng jri. Kaba kham ha jrong duh ka kham jrong bad ar tylli kiba harum pat ki kham lyngkot. Kham sha rum khyndiat na kane ka jingkieng jri balai kyrdan, don shuh sa kawei pat ka jingkieng jri ba ar kyrdan. Ka don ruh ka kshaid kaba itynnad kham ha rum shuh shuh na kane ka jingkieng jri kaba ar kyrdan.
Donkam ban iaid da ka kjat na ka shnong Phlangtyngor bad ka shim por tang hapoh 45 minit eiei lyngba ki lawbah lawsan bad ki jaka rep jaka riang. Ki nongjngohkai pyrthei kiba kwah ban leit peit kai ia kane ka jaka jngohkai pyrthei kaba dang thymmai kidei ban long kiba lah ban iaid kjat ban kiew ia kithiep ban ban hiar ia ki jur ban poi sha katei ka jaka.
Namar ba ka dei sha ki jaka kyndong ki don kamruh ia ki nongialam lynti da ki trai shnong bad kaba ialam lynti kan ym duna satia iaka 500/- tyngka shi kynhun.Kan don ka jingpynbeit kyrpang ban leit peitkai ia ki artylli ki jingkieng jri kiba thymmai bad ba khampher ha Meghalaya.Kino kine ki nongjngohkai pyrthei kiba don ka jingthmu ban leit jngoh ia kane ka jingkieng jri ba kyrpang ba lai kyrdan ha Phlangtyngor lah ban leitialam ha ka 25 tarik u Kyllalyngkot 2019 lane kiba kwah ban leit peitkai iaka jingkieng jri kaba bha tam pat bad ba itynnad tam kaba lah ban long kaba heh tam ha Meghalaya ki dei ban pyntip lypa ha une u number (9436111103) khnang ban ioh pynbeit lypa iaki kali na Shillong sha kitei ki jaka .
