Latep don burom mynta ka sngi ia u bah Macmilan ba khlad ha kti ki paidbah ha Lad Mawlang

Shillong, Lber 10: Mynta ka sngi la tep don burom ia ka met jong u bah Macmilan Kharshandy u ba la khlad ha ka kti jong ki paidbah ha ka shnong Lad Mawlang, ha kane ka sngi palat hajar ki paidbah kila ia poi ban sngewlem halor kane ka jingjia kaba sngewsih.

Ban pynpaw ia ka jingsngewsih halor kane ka jingkhlad jong u bah Macmilan na ka liang jong ka shnong kala pynlong ia ka jingkhang shnong ban leh burom ia une u rangbah u la ba duh ei ia ka jingim ha ka kti jong ki briew ha ka sngi u Blei ha Lad Mawlang.

Ha ka jingkren jong u Rangbah dong jong ka shnong Madanriting u la ong ba u bah Macmilan bad ki briew kiba la mynsaw ki long ki samla kiba ka shnong baroh kawei ka tip ia ka jinglong ba bha jong ki hapoh ka shnong ka thaw ba ki dei kiba kamai kit um hapoh shnong.

La pynpaw ba u Bah Macmilan u dei u khun ba juh pyndap ia ka ing ka sem da kaba kamai kitum, u pyndon kam ia kane ka jeep ban kit um man ka sngi, u la ong ba ka jingkynnoh jong ki briew ka thain Passang, Lad Mawlang ka long kaei kaei kaba khlem nongrim.

Ha ka jingkren jong u Syiem ka Hima Khyriem u pa’im Balajied Syiem u la pynpaw ia ka jinsngewsih kaba khraw ha kaba ki briew katei ka thain kila nud ban bthat jubor ia ka mynsiem jong u Macmilan ban shim ia ka ain ha ka kti.Na ka liang jong u Pa’im u la ong ba u hap ban shim khia ia kane ka kam namar ym ia hap ia kane ka jingleh.

Ha dien ka jinglehniam leh rukom katkum ka balang, ia ka met jong u bah Macmilan la leit ban tep donburom ha u lum jingtep jong ka Balang Presbyterian ha Madanriting. Ha kane ka sngi da ki hajar ngut ki paidbah kila ia poi ban sngewlem halor kane ka jingjia kaba sngewsih.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet