Nongstoin, Jylliew 6: Ka Khasi Students’ Union (KSU) West Khasi Hills District ha ka 5 Tarik Jylliew, 2021, ka la ioh ban iarap da ki mar bam bad ka song pisa ia kawei ka long Ïing ba don saw ngut ki Khun swet ha ka jingpeit U Kñi ba dang ha ka rta ba 20snem eiei, ha ka jingshisha u dang dei ban pynlut kapor ha ki jingpule puthi pynban u hap ban bah ia ka ïing ka sem ban bsa ia ki saw ngut ki khun Pyrsa ba dangrit ban wad bylla katba u ioh ei.
Ha katei ka sngi la ialam da u President ba Rangbah duh jong ka District u Samla Johnfisher Nongsiang , ha ka jing ia don lang i Samla Mixz Samakha Finance Secretary jong ka District, i samla Wanbhakupar i ba long i Vice President ka KSU Nongstoin Circle bad la rynran lang ka KSU San Shnong Area Unit ha ryngkat ka jing don lang U Secretary Shnong Sohpian.
Haba ai jingkren lyngkot na U President u la pynpaw ba kum ka seng kan iai bteng ban kner ki jingiarap ia kane ka long ïing nangne sha khmat ha ki khep ba donkam, bad kumjuh sha kiwei pat ki long Ïing ba donkam ki jingi
