Leit buh syntiew ka KAS ha mawmot u Rev. Thomas Jones kum ka jingkynmaw burom

Shillong, Jylliew 23: Ha ka sngi Saitjain, ki nongïalam ka Khasi Authors’ Society kum ka dak ka jingkynmaw burom ïa u Rev. Thomas Jones ki la leit buh syntiew ha u mot sah kynmaw uba don ha phyllaw ka Synod College, Shillong.

Kaba dei ka sngi lyngkhuh dap snem kaba 178, naduh ba u Rev. Thomas Jones u Kpa ki dak thoh Khasi bad ka Anne Jones ki la wan poi sha kane ka Ri Lum Khasi ha ka 22tarik Jylliew, 1841. Ha kane ka jingleit buh syntiew la ïalam da u Dr. K. D. Ramsiej, Vice President ka KAS.

Haba ai jingkren lyngkot u Dr. K. D. Ramsiej u la ïathuh ba u Rev. Thomas Jones, u wan ïuh kjat nyngkong ha Ri Khasi ha ka 22tarik Jylliew 1841. Kane ka jingwan poi jong u ka la long ka jingkyrkhu ym tang ïa ka Balang Presbyterian, hynrei ïa ka Jaitbynriew Khasi baroh kawei, khamtam eh u synñiang lyngba ki dak thoh ABKD…. U la ong ba dei na ki dak thoh ba la wanrah da U Jones, ba la lah ban pule ban thoh ha ka ktien Khasi bad khamtam eh ban pynïatylli ïa ka Jaitbynriew.

Ha ka jingkren lyngkot u Dr Ramsiej u la ong ruh ba kum ka jaitbynriew ngi dei ban tip bad ïai kynmaw ïa ki matti une u rangbah, kiba la long shisha ki jingkyrkhu ïa ka jaitbynriew Khasi. Ha kane ka jingleit buh syntiew la ïoh ruh ban pule ïa ka sonnet poitri shaphang u ‘Rev. Thomas Jones’ da u Bah K. W. Nongrum bad ka jingkren ai khublei na u Bah P. R. Kharshiing, General Secretary ka KAS.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet