Shillong, Jylliew 06: U myntri rangbah jong ka jylla u Conard K Sangma mynta ka sngi u la leit ban jngoh da lade ia ka jaka ban tei ia ka iing dorbar thawain ka jylla ha Madiangdiang mynta ka sngi.
Lah ban pynkynmaw ba ka iing dorba rthawain ka jylla kaba don ha khyndaitlad kala pluh noh na u snem 2001 bad ka jylla kam shym la lah ban tei iala ka jong ka iing dorbar haduh kine ki sngi.
Ha ka por ba long Speaker u Martin M Danggo, la buh ia u Mawnongrim ban tei ia ka iing dorbar ha Upper Shillong kaba dei ka jaka jong ka tnad rep, hynrei kane ruh kam shym la lah ban urlong bad kane ka jingthmu ban tei ia ka iing dorbar kala sah teng.
Ha ka por ba long speaker u AT Mandal la pyrshang ban ioh ban sdang tei ia ka iing dorbar hynrei kam shym la ban pynurlong namar kala wan noh ka ileskhon sha iing dorbar thawain ak jylla.
Ha kane ka iing dorbar kaba mynta hapoh ka jinglong Spekaer jong u Dr Donkupar la lah ban pdiang ba ia ka iing dorbar yn tei noh ha Mawdiangdiang bad u myntri rangbah ka jylla u Conrad K Sangma mynta ka sngi u la leit ban jongoh ia kane ka jaka ban tei ia ka iing dorbar thawain ka jylla.
