Shillong, Rymphang 19: Mynta ka sngi ki dkhot jong ka congress ki ba dei ki nongialam Ka Meghalaya Pradesh Congress Committee (MPCC) ki la leit sha iing kmie jong u MP Dr Ricky A J Syngkon bam kwai ha dwar u Blei ban pynpaw ia ka jingsngew lem ha kane ka jingjia ba sngewsih.
U President ka MPCC u Vincent Pala ryngkat u MP ka 2-Tura (ST) Parliamentary konstituency u Saleng A Sangma bad kiwei ki dkhot nongkitkam ka party ki la leit ban iakynduh ia kiba haiing ba hasem ban pynpaw ia ka jingsngewsih halor kane ka jingkhlad syndet u Dr Ricky A J Syngkon uba dei u MP.
U President ka MPCC ula ong ba u Dr Ricky A J Syngkon u la aiti ia lade na ka bynta ki kam paidbah u long u briew uba don ka jingkitkhlieh na ka bynta ki rit ki ria bad kane ka jinglong jong u ka ban pynsah kynmaw.
Ha kane ka jingleit sngewlem na ka liang ki dkhot ka MPCC ki la pynlong ia ka jingduwai bad ki la pynpaw ia ka jingsngewlem sha kiba haiing ba hasem u Dr Ricky A J Syngkon bam kwai ha dwar u Blei.
