Shillong, Nohprah 08: Na ka daw jo
ng ka jinglong jingman jong ka shongsuk shong shngiang hapoh kane ka jylla Meghalaya u L Mohanti, Inspector General, Meghalaya Frontier u la leit ban jurip da lade ia ka khappud bad ka Bangladesh ha kaba ia dei bad ka jingker ksainar shiah.
Ha ka jingleit jong u ID ki BSF bad u DIG jong ki BSF ba dei peit ia ka Garo Hills ka long ban bisharbniah biang ia ka jingker ksainar shiah ha kahppud bad ka Bangladesh,ka jingshna ia ki jingpynmeh light ha khappud ka jingtei ia ki surok syndah bad ka Bangladesh.
Ha kane ka jingleit u IG Jong ki BSF u la leit jngoh ruh ia u maw mot thma ba la shna kyrpang ha Kilapara, ban burom ia baroh ki shipai BSF kiba la aiti iala jong ka jingim na ka bynta ban iada ia ka ri ha ka thma jingialeh laitluid jong ka Ri Bangladesh ha u snem 1971 ia kaba la tip kum ka “Indo-Pak War”. Kum ka jingburom ia ki la buh syntiew ha u ne u maw mot.
Ha ka jingleit ka jong u sha khappud bad ka Bangladesh ha ki bynta jong ka Garo Hills na ka liang jong u IG u la ai ka jingiaroh ia ki shipai kiba la trei shitom ban iada ia ka ri wat hapdeng ki jingeh kiba bun ba ki ia kynduh. Ha kane ka jingleit u la ia kynduh ruh ia ki heh shipai jong ka BGB.
