New Delhi, Jymmang 13: Mynta ka sngi u myntri rangbah duh ka Ri India u Narendra Modi u la leit sha AFS ha Adampur ban ia kynduh ia ki shipai kiba shlur ka ri kiba dei na ki shipai suin bad shipai khyndew.
U myntri rangbah duh jong ka Ri India U Narendra Modi lyngba ka X u la pynpaw ba u sngew kyrpang shisha ban ia don lang bad ki riew shlur ka ri, kiba don ia ka jingkut jingmut, ki bym don ia ka jingsheptieng.
“Mynta ka sngi mynstep nga don ha AFS ha Adampur ban ia kynduh ia ki shipai kiba dei ki riew shlur, ka jingsngew kyrpang shisha ban don ryngkat bad ki riew shlur, kiba kut jingmut bad ki bym don ia ka jingsyier” ong u myntri rangbah duh ka Ri India.
U myntri rangbah duh ka Ri India u la ong ba ka ri baroh kawei ka pynpaw ia ka jingsngewnguh ia ki shipai ia kaei kaba ki la leh baroh na ka bynta ka ri, la ong u Narendra Modi kaba u la buh ha ka X.
