Shillong, Naitung 29: Mynta ka sngi ka sorkar MDA hapoh ka jingpyniaid jong u Myntri rangbah ka jylla u Conrad K Sangma kala lum ia ka jingialang ban pynpaw ia ka jingsngewlem halor ka jingkhlad noh jong u Speaker jong ka iing dorbar thawain ka jylla u Dr Donkupar Roy.
Ha kane ka jingialang baroh ki party kiba don ha ka sorkar MDA kila ia poi sha kane ka jingialang kaba la long ha Secretarait mynta ka sngi, ha kane ka jingialang baroh kila pynpaw ia ka jingsngewsih halor kane ka jingkhlad nong u Dr Donkupar Roy bad kane ka long ka jingduh kaba khraw ia ka jylla.
Na ka liang jong ka party Congress ruh mynta ka sngi kala lum ia ka jingialang jong ka Congress Legislature Party (CLP) hapoh ka jingpyniaid jong u Dr Mukul Sangma ban pynpaw ia ka jingsngewsih ka jong ki halor ka jingkhlad noh jong u Dr Donkupar Rou speaker jong ka iing dorbar thawain ka jylla.
Ki nongtrei jong ka Meghalaya Legislative Assembly kila ia lum ban pynlong ia ka jinglang ban pynpaw ia ka jingsngewsih halor kane ka jingkhlad noh jong u Speaker ka iing dorbar bad ha kane ka jingialang kila pynpaw ba kum u speaker u la pyrshang ban pan beit ia kiba bun ki kam hapoh Assembly.
