Shillong, Nailar 06: Namar ka jingkynduh jingeh ki VEC ha kiba bun rukom ha ka jingpyntrei ia ki kam ka skhim 100 sngi, ha ka 6 tarik August 2025 ki Chairman bad ki Secretary na ki shnong ba pher ba pher ki ba hap hapoh ka Shella Bholaganj C&RD Block, ki la pynlong ia ka jingiakynduh lang ha Ingdorbar Shnong Elaka Saitsohpen Sirdarship, ha kaba ha kane ka sngi la thaw da ka Shella Bholaganj VEC Forum.
La jied ban long ki nongialam ka furom, ia u bah Iasuk War kum u Chairman, Vice Chairman bah Sumarsoh Malniang, Secretary Hospin Syiemlieh, Asst Secretary kong Wanshimti Jitem ki dkhot ka Excutive Committee bad kiwei kiwei.
U bah Iasuk War haba kren u Chairman ka Furom u la ong, lyngba ka jingdon jong ka furom yn lah ban pynsngew ia ka jingkynduh jingeh jongki sha ka sorkar.
Ka jingtrei 100sngi ka dei ka skhim kaba pyniohnong ia ki nongkyndong, lyngba ka jingdon kane ka skhim ka la kyntiew shibun ia ki shnong kyndong kaba la wanrah ruh ia ka iohkam iohjam ki khun samla bad ki nongshongshnong.
U bah Iasuk War u la ong, ka mad treikam kane ka Furom ka buh ha khmat ka long ban pynsngew ia ka jingdonkam ki tiar trei ,u bah Heron Kharmih Chairman Laitkynsew VEC u la bynrap.
Kane ka mih na ka jingkynduh jingeh ba kim la ban ioh ia ka bai tiar na ka bynta ban siew ha ka kit ka bah na ka por sha ka por, ka sa pynlong ia ki nongialam ban thaw noh da kane ka furom, namar kumba long mynta da ki snem kim ioh ia ka bai material bad kane ka sienjam ka long ban wad ki lad ki lynti.
