Lyngba ka Lok Adalat la pynbeit ia ki 218 tylli ki mukotduma ha ka jylla Meghalaya

Shillong, Nohprah 10: Ban pynioh ia ka jingbishar kaba beit ka National Legal Services Authority (NLSA) hapoh ka jingpyniaid jong u Mr Justice Mohammad Yaqoob Mir, Chief Justice, High Court jong ka Meghalaya, ba dei u nongkyrshan ba ha khmat jong ka Meghalaya State Legal Services Authority, ryngkat u  Justice S.R.Sen, Executive Chairman, MSLSA, la pynlong ia ka National Lok Adalat ha ka sngi saitjian.

Ha kane ka National Lok Adalat la lah ban pyniasuk haduh 218 tylli ki mukotduma bad la shim ha ka liang jong ka pisa kala kot sha ka T.78,89,019 lak tyngka, kaba bun na kine ka dei ka jingsiew ram sha ki bank, ka bai light kiba dei ha ki district bapher bapher jong ka jylla Meghalaya.

Ka Meghalaya State Legal Services Authority ka kyntu ia ki paidbah kiba dang don ha pdeng ki jingialeh mukotduma ba kin wan sha khmat ban ioh ia ka jingbishar kaba kham kloi lyngba jong ka Lok Adalat.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet