Maham ka KSU bad FKJGP Upper Shillong ia kiba pyndon ia ka kyrteng ka seng

Shillong, Nailar 12: Ka Joint Coordination Committee hapdeng ka FKJGP bad KSU Upper Shillong Circle hadien ba la lap bad ioh jingtip ia ki briew kiba pyndonkam bakla ia ka kyrteng jong ki ar tylli ki seng FKJGP bad KSU Upper Shillong Circle da ki katto katne ngut ki briew

Na ka liang jong ki Nongialam jong ka Joint Coordination Committee (FKJGP & KSU Upper Shillong Circle kila leit ban iakynduh markhmat ia ki katto katne ngut ki briew kiba shong ba sah ha ka thain Upper Shillong bad Mylliem ban pan jing pynshai, ban dawa panmap mardor bad kumjuh ruh ban ai ka jing maham ba kim bit ban pyndonkam bakla ia ka kyrteng jong ki ar seng (FKJGP & KSU) nangne shakhmat.

Ha katei ka jingleit iakynduh markhmat da ki Nongialam bad ki Dkhot jong ka Joint Coordination Committee FKJGP & KSU Upper Shillong Circle kitei ki briew kila panmap hakhmat ki Nongialam jong ki ar seng da kaba phla ruh ba ki pyn donkam ia ka kyrteng jong ka seng KSU bad FKJGP Upper Shillong Circle da ka jing bym poi pyrkhat namar ka jing shah shim kabu ha ki Company kiba nabar ha kaba na ka liang jong kitei ki briew kila kubur ba kila leh ia kaba bakla ha kaba kila panmap bad kular ruh ba nangne shakhmat kin ym mlien shuh da lei lei ruh.

Na ka liang jong ka Joint Coordination Committee FKJGP & KSU Upper Shillong Circle ka la shim ruh ia ka rai ban ai da ka jingmaham kaba tyngeh ia kino kino kiba pyn donkam bakla iaka kyrteng jong ki ar seng tang na ka bynta ka jing myntoi shimet jongno re jongno, ha kajuh ka por la shim ruh ia ka rai ba lada ka Joint Coordination Committee ka lap bad ioh jingtip ia ki briew kiba leh Benami hapoh ka thain Upper Shillong – Mylliem na ka liang jong ki ar seng kin sa shim da ka sienjam kaba tyngeh namar ba ka Joint Coordination Committee kan ym ailad satia ia ki briew kiba pyrshang ban biah phongrai ia ka jaitbynriew tang namar u sbai rupa jong ki mynder.

Ka Joint Coordination Committee kala shim ruh iaka rai ban maham bad ban mana tyngeh ia ki Company kiba nabar ki bym dei satia jong ki Trai Ri Trai Muluk kiba pyrshang ban leh khlieh shrieh da kaba shim kabu ia ka jing long shida jong ki briew ha ka thain Upper Shillong – Mylliem bad lada ki ar seng ki lap ia kiba kum kita ka Joint Coordination Committee kan ym don jing bah khlieh lada jia eiei.

Ha kajuh ruh ka por na ka liang jong ka KSU bad FKJGP Upper shillong Circle ka pan ia ka jing ia treilang jong baroh ki Nong synshar shnong kiba don ha ka thain ba kin long kiba peitngor ia ka jing ioh rung laitlan jong ki briew kiba nabar lane kita ki bar jylla kiba wan ha ka dur jong ki Nong bylla sngi lyngba jong ki Company bad contractor lane ki nong khaii bad kumta ter ter ha kaba kum kane ka por ban iada ia ka jing pur sted jong ka Khlam COVID-19 bad kumjuh ruh kata ka khlam jong ka jing shah tyllep lyngba ka jing shah knieh noh ia u lakam jong ka khaii ka pateng jong ki trai ri trai muluk.

Ka Joint Coordination Committee ka kyntu ia ki nong synshar shnong bad kumjuh ruh ia ki riew paidbah jong ka thain ba lada ki iakynduh ia kino kino ki jingeh kin sngewbha ban phone bad pyntip sha ki nongialam jong ka Joint Coordination Committee kiba la soi kyrteng harum ha kine ki nos: 94025-61400 & 97740-69180. Jong u samla Shngainlang Sohkhlet President KSU Upper Shillong Circle bad Kitboklang Nongphlang President FKJGP Upper Shillong Circle.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet