Maligaon, Nailur 01: Ka Northeast Frontier Railway kala shim ia ka rai ban pyniaid kyrpng ia ki ar tylli ki jaka ba leit ki rel naduh mynta u Nailur ia ki Relba iaid kamai tang ha jan. Kawei kan long kaba leit na Guwahati sha Mendipathar ha Meghalaya bad kawei na Guwahati sha Mairabari.
Haba phai sha ka jylla Meghalaya la ong ba da kane ka rai la lah ban pyniaid ia ka rel kit briew man ka sngi na Guwahati sha Mendipathar ha Meghalaya, ka rel ka ban iaid hapdeng ka Guwahati bad Mendipathar kan dei kaba don ia u No. 05020/05019 Guwahati – Mendipathar.
Kane ka jingpyniaid ia ka Rel kit briew na Guwahati sha Mendipathar kan sdang ha ka 10/9/2021 ka ban mih na Guwahahti bad na Mendipathar ha ka sngi kaba bud ha ka por 7.00 baje mynstep bad kan poi sha Guwahati ha ka por 11.45 baje mynstep, kane ka juh ka rel kan mih biang na Guwahati ha ka por 5.20 baje jan miet bad kan poi sha Mendipathar ha ka por 9.10 baje mynmeit.
Na ka liang jong ka N.F Railway kala pyntip ba ia ka por leit bad por wan jong ka rel la buh ha ka IRTC bad la kyrpad ia ki paidbah ba kin peit bha ia ka por kumba la pyntip ha ki lat pathai khubor.
