Shillong, Risaw 30: U Chief Electoral Officer jong ka tnad ilekshon ka sorkar Meghalaya u bah FR Kharkongor u la ong ba la ioh ia ka jingujor na ka party Congress ba don kiba shon dur ha jaka thep vote ha 47-Rajabala kontitwensi.
Haba kren ha ki lat pathai khubor la iathuh ba mar ia ioh ia kane ka jingtip na u Deputy Commissioner jong ka West garo Hills District , na ka liang jong ka ophis la bthah ban ai hukum sha baroh ki sectoral officer na khang shisyndon ban rah phone ha jaka thep vote.
Kaei kaba ka tand ilekshon ka peit ba ka ilekshon kan iaid beit iaid ryntih ban lait na kano kano ka jingiahuri hura bad kane ka dei kaba la ia kren bha bad ki pulit kila leh ia ka kam jong ki ban peit ba kan iaid beit.
Na ka bynt aka jingiew vote kin don lai tylli ki jaka niew vote ha Tura bad ha Shillong kan long ja J.N Stadium, bad ia ki EVM mashim yn pahara da kaba jur ha ki jaka buh da ki CrRP bad ki pulit jong ka jylla.
