Mih ka jinghuri hura ha madan Polo bym ioh rung sha ka tamasa Cherry Blossom ha Polo

Shillong, Naiwieng 26: Mynta ka jan  miet kala mih ka huri hura ha Madan Polo na ka daw ba kiba bun ki paidbah kiba la poi sha katei ka jaka kim shym la ioh ban rung ha jaka leh tamasa bad la sngewthuh ba ka daw jong ka jingbym shah shuh ban rung dei ban la bun briew sha palat.

Ha kane ka jinglehkmen Cherry Blossom kaba la poi sha ka sngi kaba ar mynta ka sngi ki padbah palat hajar ngut ki paidbah ha kane jingmied ki ba lawan sha ka jinglehkmen Cherry Blossom ha Polo ki la hap leit phai noh sha iing namar ka jingbym Shah shuh ban rung sha madan.

Kane ka jingbym shah ka la pynbitar jingbitar na ki paidbah, na ka liang jong ki nongpyniaid bad na ka liang jong ki pulit kiba la don ha katei ka jaka kila kynduh jingteh ban tem ia ki paidbah bad ban pynra ia kin a katei ka jaka ki pulit kila hap ban pyndon kam ban siat da ki tyndong lyer pynsat khmat.

Na ka liang ki pulit ki la ialeh ban pynjai jai ia ka jingianiat jong ki paidbah ha khyrdop kaba ar  jong ka madan Polo hynrei ka jingkwah jong ki paidbah ban ioh ban rung noh shapoh ka la pynlong ia ka jingianiat Ha ka ba na ka liang jong ki pulit ban pynpra ia ki paidbah kila sait da ki tundong pynsat khmat.

Na ka jingaikren bad ki briew ha katei ka jaka la pynsngew ba ka jignkhang ia ki paidbah ban rung shuh sha madan ka dei na ka daw ba la khapngiah ka madan katba ka jingleh kmen ha madan kala iaid beit ha kaba bun hajar ngut ki briew kila ia poi sha kane ka tamasa.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet