Shillong, Rymphang 08: katkum ka jingtip kaba la ioh na u District Election Officer jong ka West Garo Hills District la iathuh ba ha ka por kumba 10.45 baje mynmiet kala don ka jingiashoh hapdeng ki nongkyrshan ka TMC bad NPP ha ka shnong Charbatapara kaba hap hapoh jong ka 46 – Phulbari Assembly Konstitwensi.
Katkum ka jingiathuh jong u S. G. E. Mominin MLA barim, u Moni Mondol (TMC), Bhuttu (TMC), bad u Habibur Zaman MDC jong ka NPP la ong ba ki don ha katei ka jaka, haba la ioh ia kane ka jingtip ki pulit kiba don ha Phulbari kila leit sha katei ka jaka don ka jingiashoh ban tem ia ka jingiashoh ia dat.
Na kitei kiba don ha katei ka jaka la phah sha ka Phulbari PHC ban phah eksmin bad ha dein bala dep eksmin la pynlait noh ia ki, katba u wei u briew ba la tip kyrteng kum u Nojrul Hoque la bthah ban phah sumar namar la mynsaw na jan ka khmat.
Haba ia dei bad katei ka jingjia u Habubur Zaman u la ujor da ka ejahar ha kaba u la kynnoh ba ha ka por ba iaid prosession u wei u briew bala tip kyrteng kum u Habibur Zaman ba dei jong ka NPP la sangeh ha jan iing jong u bad sdang ban kawang maw ha kaba saw ngut ki briew kila mynsaw.
Na ka liang jong ki pulit kila kila ong ba ia ka jingiakynad ha katei ka jaka la lah ban tem ban pynjai jai na ka liang jong ki pulit kila pynlong ruh ia ka jingtohkit, naka liang ki pulit kila phah 3 kynhun kompeni sha katei ka jaka ban pahara.
