Shillong, Nailur 15: Ki MLA jong ka seng Congress kiba don ha liang pyrshah mynta ka sngi kila mih noh sha bar jong ka iing dorbar namar ba u Lamphang ka iing dorbar u bah Metbah Lyngdoh ym shym la pdiang ia ka mat ia kren bala buh da u bah Process T Sawkmie halor ka phang hato ka sorkar kala leh aiu ia ki pulit ba kynnoh don kti ba siat iap ia u bah Cheristerfield Thangkhiew u general secretary ba rim ka seng HNLC.
U bah Process T Sawkmie u la ieng hapoh iing dorbar ban buh ia ka “Point of Order” balei ym shym la pdiang ia ka maty ia kren kaba u la buh katkum ka shithi kaba la phah sha u bay m shym la pdiang ia ka mat ia kren halor ka phang bala leh aiu ia ki pulit kiba la shah kynnoh ba kila don kti ban siat ia u bah Cheris.
Na ka liang jong u Lamphang ka iing dorbar u bah Metbah Lyngdoh u la ong ba ka jingbym shah ban ia kren ia kane ka mat kaba la buh ka long katkum ka rule 59 jong ka jingpyniaid dorbar kaba khang ban nym shah ban ia kren ia kano kano ka kam kaba dang don hapdeng ka jingtohkit.
Halor kane u bah Process u la ong ba ha ka jingshisha la buh ba ia kane mat jingiakren la buh ban shim mynta ka sngi, hynrei kala mih ka jingkylla da kaba ong ba yn nym lah ban ia kren namar ka dang don ha ka jingtohkit.
U Deputy Chief Minister u bah Prestone Tynsong u la ong ba kane ka rai kam dei jong ka sorkar hynrei ka dei na ka ophis jong u Lamphang namar ha iing dorbar ka bor ka shong ha u Lamphang ka iing dorbar.
Na ka liang jong u myntri rangbah u la pynpaw ba kam dei ba ka sorkar kam kwah ban ia kren hynrei ka don ka jingwit namar ba kala don ka Judicial Inquiry, kumta la dep ban ai lad ban pyndep shuwa ia ka jingtohkit.
Ha kane ka jingiakren ki liang pyrshah kila kdew ia ka jubab jong u myntrui kam poh iing ha kaba u la jubab ia ka jingkylli ha ka sngi ba Ar bad balei mynta pat ka ong ba ym lah ban ia kren ia kane mat kaba la buh. Namar ka jingbym ailad ban ia kren ki liang pyrshah kila mih noh sha bar jong ka iing dorbar kum ka dak jong ka jingpyrshah.
Ha dien ba la mih sha bar ki liang pyrshah kila pynlong ia ka jingpyrta ha phylla ka iing dorbar thawain ka jylla ban pynrem ia kane ka sorkar MDA kaba la ialam da u Cornad K Sangma , ha kane ka jingiapyrtha u nongialam ka liang pyrshah u la ong ba don kamb an wengkam shipor ia kito ki pulti kiba la shah kynnoh ba don kti ha ka jingsiat iap ia u bah Cheristerfield Thangkhiew.
U Dr Mukul u la ong ba ha ka jingshisha ka sorkar ka la dei ban shah ban ia kren khang ba ka sorkar kan lah ban shim ia ka rai kumno ban leh ha ka jingstad jong ka, na ka ne ka jingbym shah ia kren kan long leh nohei namar ka sorkar kan nym sngap
