Mih paidbah ban khang lynti, hap phet u DM, pulom ka public hearing ka Star Cement

Shillong, Risaw 19: Ka Meghalaya State Pollution Control Board (MSPCB) kala buh tarik ban pynlong mynta ka sngi ia ka jingsngap paidbah ia kaba la tip kum ka publice hearing ha kaba ia dei bad ka jingthmu ka Star Cement ban shim jaka shuh sha 42.051 hektar  ha shnong Brichyrnot kaba hap hapoh jong ka East Jiantia Hills District.

Ha kane ka sngi ki paidbah nongshnong shnong katei ka thain, kyntup ia ki khynnah skul kila ia mih paidbah ban khang lynti bad na ka liang jong u District Magistrate jong ka East Jiantia Hills bad ki briew jong ka MSPCB kila hap ban mih noh khlem da poi sha ka jaka ban pynlong ia kane ka jingsngap paidbah.

Kane ka jingpakhang lynti kala long kham pajih na ka jaka bala buh ban pynlong ia kane ka jingsngap paidbah, ha kaba ki paidbah kila buh da ki maw ha surok ban nym shah ia ki kali ban rung sha ka jaka ba la buh ban pynlong ia kane ka jingsngap paidbah bad ki khynnah skul kila rah ia ki pla kard ban pynpaw ia ka jingpyrshah ka jong ki ia kane ka jingthmu jong ka Star Cement.

Haba u SP News Agency u la ioh ban ia kren bad u samla Kwilnis S Suchiang president jong ka KSU Narpuh, u la iathuh ba na ka liang jong u District Magistrate jong ka East Jiantia Hills District bad ki briew jong ka MSPCB kila iohi ia ka jingpyrshah jong ki paidbah kila phai noh bad da ka jingphai noh ka jong kane ka jingsngap paidbah kaba la buh mynta ka sngi kala pulom.

La iathuh ba kala don ka jingiakren hapdeng kiba pyrshah bad kiba kyrshan ha kane ka sngi bad na ka liang jong ki pulit kiba la don ha katei ka jaka kila lah ban tem ban pynjai jai ia kane ka jingiakhluid ha pdeng jong ki bad kam shym la don kano kano ka jingjia kaba sngewsih.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet