Shillong, Kyllalyngkot 03: U Nabam Vikek u wei na ki nongialam jong ka party NPP ha ka jylla Arunachal Pradesh u la phah ia ka shithi sha u State President jong ka party NPP ba u la mih noh na ka party halor ka jingkynnoh ba ka party kala kylla ktien ha kaba ia dei bad ka CAB ia kaba mynta kala kylla CAA.
Ha ka shithi bala u mih noh na ka seng NPP u la ong ba ka nongrim kaba u national president u Cornad K Sangma u la shim ban pyrshah ia ka CAB kala khring ia ki khun samla hynrei ka jingkylla jutang kala pynlyngoh ia baroh ki briew khamtam ia ki samla.
U tei u nongialam jong ka NPP u ba la mih mynta u la ong ba kane ka ain CAA kaba mynta kan ktah ia ka dong shatei lam mih ngi baroh kawei ha kine ki snem kiba sa wan. Ha ka shithi mih noh na ka party NPP u la ong ba kum u briew ba la sngewthuh yn nym lah ban pdiang ne kyrshan ia ka Citizenship Amendment Act, 2019.
U Nabam u la ong bay n nym lah ban pdiang ia kane ka jingleh jong ka NPP, kumta u la shim ia ka rai ban mih noh syndon na kane ka party. U Nabam Vivek ha ka ilekshon MLA kaba la dep hapoh jong ka jylla Arunachal Presdesh u la ia khun na ka party NPP.
