Mynjur ka iing dorbar KHADC ban rah ia ka jingiashong dorbar synrai sha u Naiwieng 2021

Shillong, Risaw 20: Ka iing dorbar jong ka Khasi Hills Autonomous District Council kaba la sdang mynta ka sngi kala shim ia ka rai ban buh teng shuwa ia kane ka jingiashong shong dorbar bad rah noh ia ka sha ka 8th Naiwieng 2021.

U Deputy Chairman ka iing dorbar u bah Alvin Sawkmie haba la sdang ia ka jingiashong dorbar u la buh ia ka jingtyrwa hapoh ka iing dorbar ba lada ka iing dorbar kan ai ia ka jingiamynjur ban rah shuwa ia kane ka jingiashong dorbar namar ba ka don kane ka ilekshon MLA shiteng samoi ha kaba ki dkhot ka iing dorbar ki long ki kyrtong.

Halor kane ka jingtyrwa jong u Deputy Chairman u Chief Executive Member jong ka iing dorbar thawain jogn ka KHADC u bah Titisstarwell Chyne u la ong ba na ka liang synshar ka pdiang ia kane ka jingai jingmut ban buh teng shuwa ia kane ka jingiashong dorbar namar ka don kane ka ilekshon MLA shiteng samoi.

Haba ia dei bad kane u nongialam ka liang pyrshah u bah Pynshngianglang Syiem u la pynpaw ba kan bha lada lah ban buh teng bad rah noh ia kane ka jingiashong dorbar haduh ban da dep kane ka ilekshon MLA shiteng samaoi namar lada iaid sha khmat bad kane ka jingiashong dorbar kan pynduh lat ia kito ki MDC ba ia khun ia ka ilekshon ban kren na ka bynta ki paidbah.

Haba la sngap ia ka jingpynsngew na baroh ar liang, u Deputy Chairman jong ka KHADC u bah Alvin Sawkmie u la pynbna hapoh ka iing dorbar namar ba ka jingiathep bot kane long ha ka 30th Risaw 2021 bad ka jingiew vote kan long ha ka 2nd Naiwieng 2021, kumta ia kane ka dorbar kaba ar sngi jong ka KHADC la rah noh sha ka 8th Naiwieng 2021.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet