New Delhi, Naiwieng 26: Ka Cabinet Committee on Economic Affairs (CCEA), ba la khlieh da u Myntri Rangbah Duh, Narendra Modi ka la mynjur ia ka Projek PAN 2.0 jong ka tnad Income Tax. Ka jinglut jingsepna ka bynta ka Projek PAN 2.0 kan long T.1435 klur.
Ka Projek PAN 2.0 ka plié lad ia ka jingkylla lyngba ka teknoloji ha ka jingai jingshakri ban kyntiew kyrteng ki nongsiew khajna bad ka wanrah shibun ki jingmyntoi kum, Ka jingsuk ban ioh ia ki jingshakri kiba sted bad kaba kham bha.
Kawei ka tyllong jong ka jingshisha bad ka jingbeit ka data. Ki rukom treikam bym ktah ia ka mariang bad ka jingseisoh ka jingpynlut pisa; bad Ka jingshngain bad ka jingpyndonkamia ki jingdon jingem ban iaidryntih ki kam.
Ka Projek PAN 2.0 ka dei ka projek e-Governance ban pynkylla ia ka jingkyntiew kyrteng ki nongsiew khajna lyngba ka jingkylla kaba wan na ka teknoloji ha ki kam PAN/TAN khnang ban pynbha shuh shuh ia ki jingai jingshakri digital ia ki nongsiew khajna.
Kane kan dei ka jingkyntiew ia ka kam PAN/TAN 1.0 kaba don mynta da kaba pyniasoh lang ia ki kam ba kongsan bad kiwei kiwei ki kam kiba iadei bad ka PAN/TAN ha ryngkat ka kam ban pynshisha ia ka PAN.
Ka Projek PAN 2.0 ka iahap bad ka jingthmu jong ka Sorkar kumba la kdew ha ka Digital India da kaba plié lad ia ka jingpyndonkam ia ka PAN kum kawei ka jingithuh ia baroh ki kam digital jong ki kynhun ka Sorkar.
