Shillong, Naitung 14: U Superintendent ki pulit jong ka East Khasi Hills District u bah S. Nongtnger u la iathuh ba la phah tohkit ban lap ia ka jingshah ha kaba ia dei bad ka jingjia ha Nongmynsong.
Ha ka kyrwoh kaba la phah da u SP ka East Khasi hills mynta ka sngi la ong ba ha ka miet sngi ba ar kala don ka jingkynnoh ba kibar jylla kila shoh la dat ia u wei u briew ha Nongmynsong.
Haba ki pulit kila leit sha katei ka jaka ba don ka jingjia la lap ba don ar ngut ki briew kiba la buaid bad la rah ia ki sha thana ban phah peit ha ki doctor, hynrei ha dien ki paidbah kila ialum ha Nongmynsong Police outpost bad kila sdang ban shoh ia u wei na kita ki ar ngut kiba la rah da ki pulit bad kila sdang ban kren tohkmet ia ki pulit CRPF kiba dang don ha ka kam.
Ha kane ka jignialum briew kala don ruh ka jingkawang maw bad ha kane ka jingkawang maw ar tylli ki kali pulit, lai tylli ki kali jong ki riew paidbah bad tylli ki kali ar shaka kila julor bad lain gut ki pulit CRPF kila mynsaw ha katei ka jingshah kawangmaw.
Haba ia dei bad kane ka jingjia ki pulit pulit kila kyntu ia ki paidbah ba kin nym pynsaphirang ia ki khubor lamler, ha kajuh ka ka por la register ia ka ejahar hapoh jong ka Rynjah Police Station hapoh ki kyndon bapher bapher jong ka Indian penal Code, hapoh jong ka kyndon ba 51 jong ka Disaster Management Act, kyndon 3 jong ka Epidemic Act, 1897 bad ka kyndon balai jong ka PDPP Act, 1984.
Myntaka sngi la pynlong ia ka jingalang hapdeng ki paidbah nongshong shnong ka Nongmynsong ban ia kren kumno ban bat ia ka jingshong suk shongsian hapoh jong ka shnong ka thaw bad ban shim ia ki lat ki lynti ban pynneh ia ka jingshong suk.
