Shillong, Lber 01: Ki pulit mynta ka sngi kila iathuh ba u wei u briew u ba la tip kyrteng kum u Aditya Kumar 28 snem u la shah tynrah ha ki briew kiba ym lah ban tip ha Lower Mawprem da u bilor pait, ia une u ba mynsaw na ka tyrpeng la pynkit sha Civil Hospital ban sumar.
Na ka liang jong ki pulit kila iathuh ba kane kala jia ha ka por 9.30 baje mynstep. Ha kawei pat ka jingjia ki briew kiba ym lah ban tip ha Puriang ha ka lynti ban leit sha jowai kila kawang maw iaki kali ba iaid ba ieng jong ka surok ha Puriang.
