Shillong Nailar 10: Ka iing bishar jong ka Chief Judicial Magistrate, Tura mynta ka sngi kala ai ia ka rai ban phah ia u Bernard N Marak na ka bynta 14 sngi sha phatok kaba la tip kum ka Judicial Custody haba ia dei bad ka ejahar hapoh ka thanad ki pulit kynthei.
Ki ejahar kiba la pynngat ia u Bernard N Marak hapoh katei ka police Station katkum ka ejahar ki long hapoh ka ki kyndon, 105(07)2022 u/s 370(3) IPC r/w 3/4/5/6/7 Immoral Traffic (Prevention) Act, 1956.
Ha ka juh ka por kane ka iing bishar kala shah ruh ia u ophisar ba tohkit ia ka jinglap ia ki tiar siat na Edenbari Resort kala shah ban tohkit katkum ka mukotduma No. 166(07)2022 u/s 109/ 110/ 120/ 120B/ 121/ 121A IPC r/w 4/5 Explosive Substances Act, 1908 bad la shah ban kem ha kaba ia dei bad kane ka mukotduma.
Na ka liang jong ki pulit jong ka West Garo Hills mynta ka meit kin kem biang ia u Bernard N Marak ha kaba ia dei bad kane ka mukotduma ba la ia kitiar siat bad la sha ka sngi kin rah biang ia u sha iing bishar.
