Mynta ka sngi kiba khlad na ka jingpang COVID-19 ki long 6, kiew ka jingiap sha ka 191 ngut

Shillong, Jymmang 5: U Director ka tnad ka koit ka khiah u Dr Aman War u la pyntip ba mynta ka sngi la test COVID-19 positive ki long 269 ngut bad kiba shitom ha ka jylla baroh ki long 2135 ngut.

Ka jingtest COVID-19 positive katkum ki District ki long, East Garo Hills 3, East Jaintia Hills 11, East Khadi Hills 198, North Garo Hills 1, Ri Bhoi 5, South Garo Hills 8, South West Garo Hills 5, West Garo Hills 18, West Jaintia Hills 7, West Khasi Hills 13.

La pyntip ba kiba la ioh ia ka jingkoit mynta ka sngi ki long 147 ngut, East Garo Hills 3, East Jaintia Hills 2, East Khadi Hills 115, Ri Bhoi 8, South West Garo Hills 1, South West Khasi Hills 3, West Garo Hills 12, West Jaintia Hills 2, West Khasi Hills 1, kiba la koit baroh ki long 15957 ngut.

U Director la pyntip ba mynta ka sngi la don kiba khlad na Kane ka jingpang COVID-19 ki long 6 ngut, kiba khlad East Jaintia Hills 1, East Khasi Hills 4, West Garo Hills 1, kiba khlad baroh kila kiew sha ka 191 ngut ha ka jylla baroh kawei.

Ka kyrteng jong kiba khlad ki long ka, king Kresensia Mawrie 65 snem na Laitkor Rngi, Rev, Krickwin Ch Marak 70 snem na Goanang Tura, ka Monmaya Sangma  75 snem na Cheruphi khliehriat, ka Tesmen Salahe 36 snem na Samasi, U Ashutosh Kumar Sing 36 snem na Mission Compund Jowai, u bah Synshar Jyrwa 35 snem na Pynthorbah.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet