Shillong, Jylliew 5: U Director ka tnad ka koit ka khiah u Dr. Aman War u la pyntip ba mynts ka sngi kiba la test COVID-19 positive ki long 497 ngut, kiba dang shitom na kane ka jingpang ha ka jylla baroh ki long 5797 ngut haduh mynta ka sngi.
La pyntip ba kiba la koit mynta ka sngi ki long 801 ngut, kiba la koit baroh na kane ka jingpang ha ka jylla baroh kawei haduh mynts ka sngi ki long 31781 ngut baroh kawei ka jylla.
U Director u la pyntip ruh ba kiba la khlad mynta ka sngi ki long 9 ngut, East Khasi Hills 7 ngut, Ri Bhoi 1, East Jaintia Hills 1, kiba khlad baroh ki long 652 ngut haduh mynta ka sngi.
Ka jingdon kiba shitom kay kum ki District ki long, East Khasi Hills 2502, West Khasi Hills 175, South West Khasi Hills 296, Ri Bhoi 629, West Jaintia Hills 593, East Jaintia Hills 174, West Garo Hills 683, South West Garo Hills 372, South Garo Hills 92, East Garo Hills 116 bad North Garo Hills 165.
