Shillong, Naitung 08: Ka tnad ka koit ka khiah mynta ka sngi kala pyntip ba kiba la test COVID-19 positive mynta ka sngi ki long 532 ngut, kiba la test buneh dei ha Ri Bhoi District 178 ngut, kiba dang shitom haduh mynta ki long 4391 ngut baroh.
La ai jingkhein ruh ba kiba la koit na kane ka jingpang mynta ka sngi ki long 366 ngut, kiba la koit bun eh mynta ka sgni ki dei na East Khasi Hills District 102 ngut, kiba la ioh ia ka jingkoit baroh haduh mynta ki long 47963 ngut.
Ka tnad ka koit ka khiah kala pyntip ruh ba mynta ka sngi kiba la khlad na kane ka jingpang ki long 4 ngut, kiba khlad ki dei, East Jaintia Hills 1, East Khasi Hills 1, Ri Bhoi 1, West Jaintia Hills 1, kiba la khlad na kane ka jingpang baroh ki long 890 ngut.
Kiba khlad na kane ka jingpang kiba bun eh ki dei na East Khasi Hills District 651 ngut, but sa ka West Jaintia Hills 85 ngut, West Garo Hills 42 ngut, Ri Bhoi 37 ngut, East Jaintia Hills 21, West Khasi Hills 17, South West Garo Hills 13 ngut, katba ha North garo Hills 7, South West Khasi Hills 7, East Garo Hills 6, South Garo Hills 4 ngut baroh kiba khlad ki long 890 ngut.
