Shillong, Rymphang 28: U Chief Executive Member jong ka Garo Hills Autonomous District Council (GHADC) u Rakesh A Sangma mynta ka sngi u la phah ia ka shithi hair shuki jong u a ka kam bad ia ka shithi la phah lyngba u Deputy Chairman sha u Lat jong ka jylla.
Ha ka shithi hiar shuki u Rakesh u la ong ba kane ka jinghiar shuki jong ka ka long na ka daw shimet jong u bad ia ka shithi la phah sha u Lat jong ka jylla lyngba ka ophis jong u Deputy Chairman jong ka GHADC ia kaba la thoh sha u Lat ka jylla.
Halor kane ka jinghiar shuki jong u CEM jong ka GHADC mynta ka sngi na ka liang jong u Secretary u la pyntip sha u Commissioner bad Secretary jong ka sorkar jylla ba dei peit ia ka tnad District Council Affair lyngba ka ophis jong Deputy Commissioner ka West Garo Hills District.
Na ka liang jong ka NPP kala dep ban rai ban pynieng ia u Albinush R Marak ban long kyrtong ban ia khun ia ka ilekshon CEM, la sngewthuh ba ha ka sngi ban thep kyrteng ban ia khun ia ka ilkeshon CEM u Albinush un sa hiar shuki kum u Deputy Chairman ka GHADC.
Ha kine ki sngi na ka liang jong ki katto katne ki briew bad ki seng bhalang na Garo Hills kila pynlong ia ki jingiakhih ha kylleng ka Garo Hilsl ban dawa ba deib an weng ia u Rakhesh na ka kam CEM jong ka GHADC, ia kaba u la hiar shuki mynta ka sngi.
