Shillong, Naitung 17: Ka tnad ka koit ka khiah kala pyntip ba kiba la test COVID-19 positive ha ka jylla baroh kawei ki long 507 ngut, ki District kiba la test positive palat spah ngut, ha East Khasi Hills 195 ngut, West Garo Hills 126 ngut, kiba dang shitom baroh ki long 4080 ngut.
La ai jingkhein ruh kiba la ioh ia ka jingkoit na kane ka jingpang mynta ka sngi ki long 585 ngut, kiba la koit bune h mynta ka sngi ki dei ha East Khasi Hills 244 ngut, Ri Bhoi 126 ngut, kiba la koit baroh na kane ka jingpang ki long 51981 ngut haduh mynta ka sngi ha baroh kawei ka jylla.
Ka tnad ka koit ka khiah kala ai jingkhein ruh ba kiba la khlad mynta ka sngi na kane ka jingpang COVID-19 ki don 8 ngut, East Jaintia Hills 1, East Garo Hills 1, East Khasi Hills 3, West Garo Hills 2, West Khasi Hills 1, kiba la khlad baroh na kane ka jingpang kila kiew sha ka 939 ngut haduh mynta.
