Mynta ka sngi la plie ia ka dur jong u Dr Donkupar Roy shongknor  ka iing dorbar

Shillong, Naiwieng 05: Mynta ka sngi u shongknor jong ka iing dorbar thawain ka jylla u Bah Metbah Lyngdoh, ha ka jingiadon lang u myntri rangbah ka jylla u Conrad K Sangma, u nongialam ka liang pyrshah u Dr Mukul Sangma la plie ia ka dur jong u Dr Donkupar Roy bam kwai ha dwar u blei ha Annexe Hall ha iing dorbar thawain ka jylla.

Ha ka jingkren jong u shongknor u Bah Metbah u la ong ba ka lah ban dei ka jingdon bok ne ka jingsniew bok, hynrei ka jingshisha ka long ba u Dr Donkupar Roy dei tang ma u ba khlad ha ka por ba don ha ka shuki kum u shongknor ka iing dorbar thawain ka jylla bad dei halor kane ba la plie ia kane ka dur jong u hapoh ka iing dorbar mynta ka sngi.

Ha kane ka sngi u la ong ba kum u shongknor jong ka iing dorbar u kwah ban iohi ba ia ka iing dorbar kaba thymmai dei ban dep haba kut jong u snem 2021, kane ka dei ka jinganud bad ban pynurlong ia kane u kyntu ia ka sorkar ba kan ai ia ka jingkyrshah ban pyndep ia kane ka iing dorbar.

Kane ka iing dorbar kam dei jong u Shongknor lane u symbut shongknor hynrei ka dei jong ki MLA baroh bad ka dei ka jong u paidbah ka jylla hi baroh kawei, la kyrpad ia baroh ban ai ka jingkyrshan ban pyndep ia ka iing dorbar thainwain ka jylla katkum ka jingnangnud jong u Dr Donkupar Roy bam kwai ha dwar u Blei.

Ha ka jingkren jong u myntri rangbah ka jylla u la pynpaw ia ka jingsngewkmen ba u shongknor jong ka iing dorbar u lah ban leh ia kane ka kam ban buh ia ka dur jong u shongknor bad u la iahap jingmut bad kaei kaba u nongialam ka liang pyrshah u Dr Mukul u la ai jingmut ba ha ka iing dorbar thawain kaba thymmei dei ban buh ia ka dur jong baroh ki shnongknor bad ki symbut shnongknor.

U la kyntu ba dei ban peit ba ha ka iing dorbar kaba thymmai ka dei ban don ka jaka na ka bynta ban buh sah kynmaw ia ki shnongknor bad ia ki Symbut shnongknor kumba leh ha dorbar bah ha Parliament bad ban buh jingthoh ruh ia ki jingjia kiba kyrpang haba ia dei bad ka jylla khnang ba ki samla pule kin ioh ban peit bad ban tip ia kaei kaba la jia.

Ha ka jingkren jong u Dr Mukul Sangma nongialam ka liang pyrshah u la ong ba ka long kaei kaei kaba sngewtynnad ban iohi ba ia ka dur jong u Dr Donkupar Roy shnongknor bam kwai ha dwar u blei la lah ban plie mynta ka sngi hapoh ka iing dorbar bad u la ai jingmut ban buh ia ki dur jong ki shnongknor bad ki symbut shnongknor ha ka iing dorbar kaba thymmai.

U la ong ba ha ka jingiashem jong u shimet u Dr Donkupar Roy u dei shisha u riew khraw bad u long u ba jai jai bad ka long kaba eh ia ki nongialam seng sain pyrthei ban jop lynter haduh hynniew sien ia ka elelction hynrei u Dr Donkupar u la jop bad kane ka pyni ia ka jingkhraw ka jong u.

Ha kane ka sngi baroh ki MLA kiba la wan sha iing dorbar mynta ka sngi kila ia don lang ha kaba plie ia kane ka dur jong u Dr Donkupar  Roy ha Anex Hall ha iing dorbar thawain.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet