Shillong, Jymmang 21: Mynta ka sngi ka Kompeni die kali Hyndai kala pynlait paidbah ban die ia ka kali kaba la ai kyrteng ka “VENUE” ha jaka die kali jong ki kaba don ha Keating Road Shillong ha kaba la don long bun ki briew kiba pyndon kam ia ka kali jong katei ka Kompeni.
Ha ka jingbatai ia kane ka kali thymmai, na ka liang jong u SS Kim ka don ka jingiapher na kiwei ki kali khamtam eh lada kine ki kali ki shah tuh. La ong ba lada ki nongthuh ki rah ia kane ka kali, kala don ki kor ba na kane ka kali kan pyntip hi sha ka Kompeni ba ia ka kali la niah da ki bym dei trai kali.
Kaba lah ban lap ia ki nongtuh ka long ba kane ka kali kan sangeh hi bad ki nongtuh kin nym lah shuh ban pyniaid ia ka kali bad da kane ka jingtip kan leit sha ki pulit bad lah ruh ban tip haei ka kali ka don.
La iathuh ba kine ki kali ki don ar jaid kawei kaba pyndon kam da ka petrol bad kawei pat kaba pyndon kam da ka Diesel. Kane ka shong ha ki thied ki kwah kaba kumno ban pyndon kam.
