Shillong, Natiung 27: Mynta ka sngi ki pulit jong ka Utter Pradesh kila rah ia u Bernard N Marak sha iing bishar ha Utter Pradesh bad la khmih lynti ba ka iing bishar kan sa ai ia ka rai mynta ka jan miet.
Ban pynkyndaw ba ka jingkhynra da ki pulit jong ka West Garo Hills bad u Depuy Commissioner jong ka West Garo Hills ia ka Edenbari Resort kala jia ha ka jan miet jong ka 22/7/2022 ha kaba la ioh ban kem 73 ngut ki briew na katei ka jaka.
Na ka liang jong ki pulit kila bthah ia u Bernard N Marak ba un leit ban aiti ia lade sha Sardar Police Station Shillong, hynrei na na ka liang jong u tei u MDC ka Tura u khlem leh ia kaba la bthah bad la kynnoh ba u la phet rieh.
Halor kane ki pulit kila pan ia ka jingbit na ka iing bishar ban kem noh ia u Bernard N Marak khlem da ai jamin, halor kata ka tnad pulit kala pynmih ia ka hukum ban thwet ia u kylleng ka Ri India bad ha pdeng khyndait kynta la ioh ban kem na Utter Pradesh.
