Shillong, Nailar 17: Mynta ka sngi la pyndep ia ka jingpyndon burom kaba khatduh ia u myntri rangbah bah rim ka jylla Meghalaya u Salseng C Marak ha Mini Stadium ha Resubelpara North Garo Hills District da ka jingpynkup burom da ka ‘State Funeral’.
Ha kane ka sng la ialam ia ka jingbuh syntiew da u myntri rangbah ka jylla u Conrad K Sangma, but sa kiwei kiwei ki nongialam seng sain pyrthei, ki myntri sorkar, u MP jong ka Tura u Saleng A Sangma, u President ka MPCC bah Vincent H Pala MP barim ka Shillong.
Ha kane ki sngi ki nongkren, naduh u myntri ranngbah ka jylla, u MP jong ka Tura u Saleng A Sangma, u Dr Mukul Sangma MLA, ka Debora Ch Marak myntri ba rim kaba dei ruh kaba ha iing bad kiwei kiwei de.
Baroh ki nongkren kila pynpaw ia ka jingnoh syniang jong u myntri rangbah barim ka jylla kum u nongmih khmat paidbah bala jop hynriew sien sha ka iing dorbar thawain a jylla bad kum u myntri rangbah ka jylla u la pyni ia ka jingtrei jong u ban kyntiew ia ka jylla.
U Salseng C Marak u la long kum u myntri rangbah ka jylla ha u snem 1993 haduh 1998 bad u la dei u myntri rangbah ba nyngkong ka jylla ban neh san snam ha ka shuki myntri rangbah wat la u la ialam ia ka sorkar khleh khawlang.
Ha kane ka sngi ki paidbah da ki hajar ngut kila ia wan ban ia shim bynta ban ai khublei khatduh ia u ne u nongialam bala pynneh pynsah ia ka nam bad ka burom ha ka jingtrei kam ka jong u kum u shakri paidbah.
