Mynta ka sngi la test COVID-19 positive 16 ngut, 3 ngut ki doktor na NEIGHRIHMS, khlad 1

Shillong, Nailar 07: U Myntri ka tnad ka koit ka khiah u bah AL Hek u la iathuh ba mynta ka sngi baroh kiba la test COVID-19 Positive ki long 16 ngut, na kine 11 ngut ki dei na East Khasi Hills, West Garo Hills 1, East Jiantia Hills 1, Ri Bhoi 2, West Khasi Hills 1.

Haba batai ia kine kiba test positive mynta ka sngi, u Director ka tnad ka koit ka khiah u Dr Aman War, u la iathuh ba kine ki 11 ngut kiba ha East Khasi Hills, 5 ngut ki dei na ka kynhun shipai, 1 nurse na Civil Hospital Shillong, 2 ngut kiba wan phai bad lai ngut kid ei ki doktor jong ka NEIGHRIHMS Hospital.

U bah ha West Garo Hills dei u ba wan phai, ki 2 ngut ha Ri Bhoi dei na ki kynhun shipai, u ba West Khasi hills 1 dei ba wan phai, bad 1 ha East Jiantia Hills dei u ba niah kali hapoh jong ka kharkhana shna dewbilat hapoh jong ka Topcem.

U Dr War u la iathuh ba mynta jan miet la ioh jingtip ba u wei u rangbah briew ba dang 46 snem ka rta u ba shitom na ka jingpang khyllai u la leit ban shah sumar hapoh NEIGRIHMS Hospital bad ha dien ba la test la shem ba u don ia ka jingpang COVID-19 bad u la khlad noh mynta ka jan miet.

Ka jingdon kiba shitom ha ka jylla baroh kawei ki long 590 ngut, ha East Khasi Hills 446, Ri Bhoi 72, West Jaintia Hills 16, East Jaintia Hills 18, West Khasi hills 6, West Garo Hills 28, South West Garo Hills 2, South garo Hills 2.

Kiba la shim nongmuna haduh mynta ki long 40631 ngut, kiba la test negative 39008 ngut bad ki reslot kiba dang ap ki long 617 ngut, kiba la wan phai sha ka jylla haduh mynta ki long 26039 ngut bad kiba la koit haduh mynta ki long 411 ngut.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet