Shillong, Naiwieng 13: U Director ka tnad ka koit ka khiah u Dr Aman War mynta ka sngi u la pyntip ba baroh kiba la test COVID-19 positive mynta ka sngi ki long 70 ngut, East Khasi Hills 31, Ri Bhoi 19, East Garo Hills 6, West Garo Hills 6, South Garo Hills 3, East Jaintia hills 2, South West Garo Hills 2, bad West Jaintia Hills 01, baroh kiba dang don ha ka jingshitom ki long 1028 ngut.
Ha ka juh ka por na ka liang jong u Director u la pyntip ba baroh kiba la ioh jingkoit mynta ka sngi ki long 87 ngut, ha East Khasi Hills 44, West Jaintia Hills 18, West Garo Hills 8, East Garo Hills 3, North garo Hills 2, Ri Bhoi 1, West Khasi Hills 1, baroh kiba la ioh ia ka jingkoit haduh mynta ki long 9455 ngut.
Na ka liang jong u Director u la iathuh ba ha Mawlai Mawiong mynta ka sngi kiba la test COVID-19 ki long 14 ngut bad kiba don ka jingiajan bad kiba shitom ki long 12 ngut, ha Ri Bhoi na ki 19 ngut kiba la test COVID-19 positive baroh ki long 16 ngut ha East GaroHills na ki 6 ngut 5 ngut dei kiba don ka jingiajan bad kiba la don ia ka jingshitom.
