Shillong, Nohprah 02: Mynta ka sngi kiba la test COVID-19 positive ki don 24 ngut, kiba la test bun eh dei na East Khasi Hills 23 bad wei na West Khasi Hills District, kiba dang shitom baroh ha ka jylla ki don 296 ngut.
Kiba la ioh ia ka jingkoit na kane ka jingpang mynta ka sngi ki don 25 ngut, kiba la koit bun eh dei na East Khasi Hills 16, na West Khasi Hills 4 ngut bad kiba la koit baroh na kane ka jingpang ki long 82764 ngut haduh mynta.
Ba khlad mynta ka sngi na kane ka jingpang don wei na East Khasi Hills District, kiba khlad baroh kila kiew sha ka 1474 ngut, kiba khlad bun eh dei na East Khasi Hills District kiba la kiew sha ka 1001 ngut haduh mynta.
