Shillong, Nailar 12: U Director ka tnad ka koit ka khiah u Dr Aman War ula iathuh ba mynta ka sngi la test COVID-19 positive 37 ngut, na kine 23 ngut na East Khasi Hills, 2 ki dei na ki kynhun shipai, 9 ki BSF bad 12 ngut ki riew paidbah. Ha kiwei ki District, East Jaintia Hills 1,Ri Bhoi 1, South Carolina Hills 1, North Carolina Hills 1 bad West Garo Hills 10 ki BSF.
Na ki 23 ngut ha East Khasi Hills, 1 na NEIGRIHMS, 1 na ophis ka CBI basah ha Upper Mawprem, 2 ha Civil Hospital, 3 ngut na Mawlai Nongkwar kiba don jingia jan bad kiba la test positive ha NEIGRIHMS, kawei ka ba ap nongpang bala raha na Woodland sha Civil Hospital Shillong, kawei ka long kmie ba wan phai.
La iathuh ba baroh kiba shitom mynta ki don 556 ngut ha Jylla, na kine 445 ngut ha East Khasi Hills, ki BSF ki don 97, ki kynhun shipai ki don 71 bad ki riew paidbah ki long 277 ngut. Ha kiwei ki District, West Khasi Hills 3, South West Khasi Hills 1, Ri Bhoi 93, West Jaintia Hills 16,East Jaintia Hills 6, West Garo Hills 82, South West Garo Hills 2, South Garo Hills 3 bad North Garo Hills 5.
La iathuh ba kiba la koit haduh mynta ka sngi ki long 517 ngut, ki nongmuna kiba la shim haduh mynta ki long 42084, kiba la test Negative ki long 40611 tylli bad ka resolt ka ba dang ap ki long 294 bad kiba la wan phai sha ka jylla ki long 27290 ngut.
Haba ia dei bad kiba wan phai mynta ki ban sahi ha ki quarantine ki long ar rukom, kiba kwah ban sahi ha ki jaka ba buh ka sorkar kim don kam siew ei ei hynrei lada ki don kiba kwah sahi ha ki hotel ki happy ban siew long u Director.
