Shillong, Naitung 29: ka tnad ka koit ka khiah kala pyntip ba mynta ka sngi kiba la test COVID-19 positive ki long 731 ngut, kiba la test bun eh ki long na East Khasi Hills 204 ngut, West Garo Hills 128, Ri Bhoi 114, kiba dang shitom baroh ki long 5750 ngut.
Kiba la ioh ia ka jingkoit na kane ka jingpang mynta ka sngi ki long 423 ngut, kiba la koit bun eh dei na East Khasi Hills 155 ngut, Ri Bhoi 65 ngut, kiba la ioh ia ka jingkoit baroh haduh mynta ha kane ka jylla ki long 56933 ngut.
Ka tnad ka koit ka khiah kala ai jingkhein ba kiba khlad na kane ka jingpang mynta ka sngi ki long 14 ngut, na East Khasi Hills 7 ngut, Ri Bhoi 3, South Garo Hills 1, West Garo Hills 2, West Jaintia Hills 1, kiba khlad na kane ka jingpang baroh kila kiew sha ka 1062 ngut haduh mynta ka sngi.
