Shillong, nailur 19: Mynta ka sngi u Director jong ka tnad ka koit ka khiah u Dr Aman War u la pyntip ba baroh kiba la test COVID-19 positive mynta ka sngi ki long 112 ngut, ha East Khasi Hills 87, East Jaintia Hills 1, Ri Bhoi 4, South West Garo Hills 1, West Garo Hills 18 bad West Jaintia Hills 1. Kiba shitom baroh ha ka jylla kila kot sha ka 2038 ngut.
Kiba la koit mynta ka sngi ki long 46 ngut, East Jaintia Hills 5, East Khasi Hills 20, Ri Bhoi 1, South Garo Hills 10, West Garo Hills 10, kiba la koit baroh haduh mynta ka sngi ki la kot sha ka 2483 ngut.
La iathuh ba mynta ka sngi kiba khlad ki long 2 ngut, kine kiba khlad wei ha East Khasi Hills bad wei ha West Garo Hills District, da ka jingkhlad jong kin ear ngut na ka jingpang COVID-19 baroh ha ka jylla kala kiew sha ka 36 ngut.
Kine kiba khlad mynta ka sngi ki long u Khartik Ghosh 50 snem na Anandamnath Tura, ia u la rah sha Civil Hospital Tura ha ka 17/09/2020 bad u la khlad noh mynta ka sngi nalor bala test COVID-19 positive ki don ruh sha kiwei kiwei ki jingpag ha ka met jong u.
U wei pat ba khlad u dei u bah Artis Pyngrope 68 snem na Madanriting Shillong, la leit rah ia u sha Dr H. Gordon Roberts Hospital ha ka 13/09/2020 bad u la khlad mynta ka sngi u ne u rangbah ruh nalor ka jingpang COVID-19 ki don ruh sha kiwei ki jingpang ha ka met jong u.
