Shillong, K.Lyngkot 21: Ha kane ka jingrakhe ia ka jingdap 49 snem jong ka jingioh ia la ka jong ka jylla ba pura bad kum shi bynta na ka jingpynkhreh ban rakhe ia ka jingdap snem snem ka jylla ha u snem 2022.
U Myntri ba dei peit ia ka Riti Dustur jong ka jylla u Bah A L Hek mynta ka sngi u la plie ia ka “Cultural Welcome Arch Gate ha State Central Library, Shillong” ia kane ka khilon la shna ha kata ka rukom ban pynpaw ia ki riti dustur jong ka jylla Meghalaya.
Ka tnad pynneh pynsah ia ka riti dustur kala aiti sha ka Riti Academy ban pynwan dur ia kane ka jingtei ka kren ia ka riti dustur ha kane ka jylla Meghalaya, ha kane ka sngi la don lang u Bah FR Kharkongor Commissioner ka tnad pynneh Riti dustur, u Director u Bah W Nongsiej bad u bah Raphael Warjri.
