Shillong, Nailar 18: U Myntri Rangbah ka jylla u Conrad K Sangma mynta ka sngi u la plie ia ka jaka pule kaba la tip kum ka “College of Teacher Education” (CTE) ha Rongkhon in Tura ha ka jingiadon lang u Thomas A Sangma nongai buid ia u myntri rangbah ka jylla.
Haba kren ha kane ka sngi u myntri rangbah la ong ba ka pule puhti jong k jylla ha kine ki saw snem shiteng kala kham bha, kane ka dei ka bynta kaba eh bha, haba ka sorkar kala wan ha ka bor ha u snem 2018 kala shim bad buh ia ka thong ha khmat eh ia ka pule puthi.
U Myntri rangbah la ong ba kam shym don kata ka jingpyniaid haka rukom kaba peit haka pule puthi bad kane ka sorkar kaba mynta kala shem ia ki jingeh bad haba la shem ia ka jingeh kala mang ka pisa ban pynlut kham bun ban ia kaba la mang ha ki snem kiba la leit noh.
U Thomas A Sangma nongai buid ia u myntri rangbah ka jylla la ong ba ka jingpule kala kylla sted katkum kane ka juk kaba mynta ia kaba don kam ban hap ban ia beh katkum ka jingkylla ka por kaba mynta.
U Director ka DERT, bah John P Lakiang, ha ka jingkren ka jong u la ong ba ka dei ka bynta jong ki nonghikai bad ka kam kaba ki dei ban leh bad kila pynleit jingmut kumno ban kyntiew ia ki khun samla.
Kiwei kiba la kren ki long u Principal of CTE, Rongkhon, Dr. Meena A Sangma.Kan ka jaka pule ka don 119 tylli ki kamra klas pule bad don kam 90 ngut ki nonghikai. Ia ka jingkren ai khublei la kren da u Additional Director of Higher and Technical Education, A Ali Nagi.
