Shillong, Nailar 14: Ka Nehru Yuva Kendra Sangathan (NYKS) ka la pynlong ia ka Freedom Run mynta ka sngi. Ryngkat bad ka jingpynlong ia ka Fit India Freedom Run 2.0 ha kylleng ka ri, u State Director ka NYKS, u Atul J Nikam u la pyllait ia ka Freedom Run mynta ka sngi.
Ka Freedom Run ka la sdang na Fire Brigade Station, Shillong mynta ka step bad ka la kut ha madan Malki. Ki nongiashim bynta ha kane ka Fit India Run ki la bat ia ki kyndon ban iada na ka COVID-19. Ki kam ba kongsan mynta ka sngi ki kynthup ka jingbam smai, ka jingtem ia ka National Anthem bad ruh ka Freedom Run.
Ka Freedom Run ka dei ka dak ka jingdap 75 snem ka jingioh jinglaitluid ka ki bad ka dei shi bynta jong ka prokram ba long ha kylleng ka ri, ka Azadi Ka Amrit Mahotsav. Ki bynta ba kongsan jong ka Freedom Run 2.0 ka dei ka jingbam smai bad ka jingtem ia ka National Anthem.
Ka Freedom Run ki prokram ban pyni ia ka kolshor ha ki jaka bapher bapher, ka jingpynsaphriang jingtip halor ka jingkyntu ia ki briew ba kin iashim bynta ha kane ka prokram bad ruh ka jingpynlong ia ki Freedom Run kiba rit ha ki jaka nongkyndong.
Ia ka Fit India Freedom Run la pynlong ha 75 tylli ki distrik bad ha 75 tylli ki shnong ha man kine ki distrik jong ka ri haduh ka 2 tarik u Risaw, 2021. Ka jingthmu jong kane ka prokram ka dei ban pynshlur ia ki briew ba kin leh ia ki kam kiba pynkhlain ia ka met kum ka jingmareh sport.
Ki briew ki lah ban pynrung kyrteng ialade bad upload ia ka jingmareh jong ki ha ka rynsan Fit India – https://fitindia.gov.in bad kyntiew ia ka Freedom Run ha ki channel social media jong ki da ka #Run4India bad #AzadikaAmritMahotsav.
