Shillong, Jylliew 07: Mynta ka sngi ka seng HYC kala sam da ki marbam sha ki nongdie madan ha Motphran, ka jingsam ia ki marbam ka long ba bun na ki nongdie madan mynta la shibnai kim shym la ioh ban shong iew namar kane ka jingkhang dam.
Ha kane ka sngi palat spah ngut ki briew kiba kmai ja da kaba shong die madan ha Iewduh ne ha ki surok sawdong jong ka iew duh kila ioh ia ka jingiarap kiba la ai sngewbha da ka seng HYC ban ia shnoh kti lang ha kane ka jingeh kaba ki paidbah ki ia kynduh.
Ka seng kala sam ia u khaw, phan piat sha ki nong shongiew, kane ka jingsam ka long ia baroh kito kiba la lah ban poi sha Motpran mynta ka sngi, ia kane ka jingsam la sam da ki nongkit kam jong ka seng sha ki paidbah.
Ha kane ka sngi na ka liang jong ki pulit jong ka jylla ruh kila pynkhlain bha ia ka jingpahra ha kane ka jaka ban peit ba kan nym don kano kano ka jingjia ha kane ka jingsam khaw bad ba kan nym pynthud.
