Mynta ka sngi sdang ka Cong ban pynrung kyrteng ia ki samla sha ka IYC ha Meghalaya   

Shillong, Risaw 20: Ka party Congress mynta ka sngi kala plie ia ka jingpynrung kyrteng ia ki samla kane ka jylla sha ka Indian Youth Congress (IYC) ha kane ka jylla Meghalaya, ia kane ka jingialang la pynlong ha Congress Bhavan Shillong ha kaba u president ka MPCC u bah Vincent H Pala u la ia don lang.

Haba kren ha ki lat pathai khubor u bah pala la ong ba wat la ia kane ka jingplie ban ptnung kyrteng la leh mynta ka sngi, hynrei ka jingpynrung kyrteng kan sdang ha ka 30th Naiwieng 2021, ka jingthep kyrteng na ka bynta kito kiba kwah ban ia khun ia ka ilekshon nongkit kam hapoh ka IYC pat kan long naduh ka 12th Naiwieng haduh ka 12th Nohprah 2021.

U bah Pala la ong ba na ka daw jong ka COVID-19 ka party Congress kam shym la lah ban pynlong ia ki jingiakhih ha kaba ia dei bad kane ka jingkiew dor jong ka Petrol bad ka Diesel, hynrei ka party kan sa pynlong ia ki jingiakhih halor kane ka jingkiew dor.

U bah pala u khot u wer ia baroh ki khun samla jong ka jylla Meghalaya ba kin pyniasoh bad ka IYC ha kane ka jylla Meghalaya ban trei na ka bynta ka jylla bad ka don ka jingkyrmen ba palat lak ki samla kane ka jylla kin pyniasoh bad ka IYC.

Ka Safira Rehman ka ong ba kino kino ki briew kiba don ha pdeng ka rta 18 haduh 35 snem ki lah ban pyniasoh bad ka IYC bad ka jingpynrung kyrteng sha ka IYC kan long lyngba ka App jong ka IYC ba dia ka rukom kumno ban pynrung kyrteng la batai da u Promod bala phah da ka AICC.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet