New Delhi, Jymmang 08: Ha ka jingïakren bad ki lad pathai khubor halor ka Operation SINDOOR ha ka 07 tarik u Jymmang 2025, ka India ka la ongba ka jubab jong ka, ka dei kaba la peit bniah, kaba la antad bad ka bym ialam sha ka jingkulmar shuh shuh.
La kren shai ba ym shym la thew iaki jaka shipai jong ka Pakistan. La pynpaw biang ruh ba kanokano ka jingther ia ki jingdon jingem jongki shipai ha India kan ioh ia ka jubab kaba iahap.
Ha ka miet jong ka 07-08 u Jymmang 2025, ka Pakistan ka la pyrshang ban ïakhun pyrshah ïa ki bun tylli ki jingdon jingem jong kishipai kiba don ha ka thaiñ shatei bad sepngi jong ka ri India.
Kine ki kynthup ïa ki Awantipura, Srinagar, Jammu, Pathankot, Amritsar, Kapurthala, Jalaihar, Ludhiana, Adampur, Bhatinda, Chandigarh, Uphalodi, Nal, Phalodi, Uttarlai, bad Bhuj da kaba pyndonkam da ki drone bad ki namding.
Ia kine la pynduhpyndam da ka Integrated Counter UAS Grid bad ki rynsan Air Defence. Ia ki mar jot kiba la mih na kine ki jingther mynta dang lum na ki katto katne ki jaka kiba pynshisha ia ki jingther jong ka Pakistan.
Mynta ka step, ki shipai India, ki la theria ki Air Defence Radar bad ki rynsan ha ki katto katne ki jaka ha Pakistan. Ka jubab jong ka India ka dei kaba iahap bad ka jingleh jong ka Pakistan. La ioh jingtip kaba shai ba ia ka rynsan Air Defense ha Lahore la pynduh.
Ka Pakistan ka la pynkhlain shuh shuh ia ka jingsiat khlem daw jong ka ha kylleng ka Line of Control da kaba pyndonkam ïa ki Mortar bad ki Artillery kiba heh bha ha ki jaka kiba don ha Kupwara, Baramulla, Uri, Poonch, ka thain Mendhar bad Rajouri ha Jammu and Kashmir.
Ki don 16ngut ki briew ba luilui kiba la duh ia la ka jingim ha kane ka jingsiat jong ka Pakistan, ba kynthup ia lai ngut ki kynthei bad san ngut ki khynnah. Hangne ruh ka India ka la hap ban jubab ban pynsangehnoh ia ka jingsiat Mortar bad Artillery na Pakistan.
Ki shipai India ki pynpaw biang ia ka jingkular jong ki ban ym pynjur ia ka jingeh, tangba dei ban burom ruh ia kane da ki shipai Pakistan.
