Shillong, Lber 28: Bun kiba sah kut ha Shillong kila leit phai sha la ki jong ki shnong da kaba iaid kjat. Mynta ka sngi la iohi ba naduh Shillong sha duh Mawkyrwat bun kiba la leit phai sha la ki shnong da kaba iaid kjat.
Haba kren ha u SP News Agency, kine kiba la leit phai sha shnong da kaba shim ia kane ka siem jam bad kut jingmut ba dei peit poi sha shnong ka long ba kimd on lynti shuh ba sah hapoh kane ka nongbah Shillong, kim ioh bylla ioh sngi ban ia kaba sah ha Shillong ka bha ban leit phai noh sha la shnong.
Kiba bun na kiba iaid kjat kiba la leit phai sha la ki shnong ki shnong ki dei kiba dang khynnah samla, kiba wan pule sha Shillong, kiba wan bylla, da ka jingkhang ia ka leit ka wan na kawei ka District sha kawei pat kala pynlong ia ki briew ba kin hap ban shim ia kane ka sien jam ban poi sha shnong da kaba iaid kjat.
Kane ka jingmih ki briew na kane ka nongbah Shillong kam dei tang kiba na katei ka thain hynrei kiba na West Khasi Hills, East Khasi Hill bad na Jiantia Hills ruh kum juh, kine kiba leit phai da kaba iaid kjat ki sngewthuh ban sah ha Shillong kin poi sha ka jingeh.
