Shillong, Nailur 08: Ka KSU Mawprem Circle sa shisien ka la pynlong biang ia ka jingkhynta Work Permit ia ki bar jyll kiba trei hapoh u pud u sam ka Mawprem Circle. Ia kane ka jingkhynra la pynlong ha ka shnong Lama Villa bad hajan ka KHADC ha kaba ki dkhot ka seng ki la lap kumba 40 ngut ki bar jylla kiba trei ba ktah khlem ki Work Permit bad kiwei ki kot ki sla ba donkam.
Ia kane ka jingkhynra la ialam da u samla Sam Shylla, General Secretary KSU Mawprem Circle. Une u nongialam ka KSU u la pynpaw ia ka jingkyndit ba kumno wat hajan ka ophis jong ka KHADC ruh ki bar jylla ki nud ban trei ban ktah khlem ki kot ki sla ba biang.
U samla Sam u la ong shuh shuh ba hadien ka jingpynlait ia ka NRC ha Assam, ka Circle kan kham pynjur shuh shuh ia ka jingkhynra ym tang ka Work Permit hynrei wat ia kiwei kiwei ki kot ki sla khnang ba kito kiba shah kyntait ha ka NRC kin ym ioh rung khlieh hapoh u pud u sam ka Mawprem Pyllun.
Kiwei pat ki jaka, ka KSU kala lap ba bun bah ki briew kiba la wan na Assam sha kane ka jylla ha dien ba ka sorkar Assam kala pynmih ia ka NRC, ka KSU kala ioh ban bat ia wei u briew na ka shnong Jamadwar uba la wan ia lam ia baroh shi iing shisem ban sah ha katei ka shnong.
Ka KSU Malki ruh kala dang pynjur ia ka jingkhynra ia ki briew kiba wan na sha bar ka jylla ban peit na ki briew kiba la shah weng ha ka NRC na ka jylla Assam kim dei ban ioh rung sha kane ka jylla Meghalaya.
